كيكه الشوكلااته

هلاااااا والله وغلاا
...اليوم طبق حلو شي خيااال والله

بسم الله نبدا
المقاير:
185 جرام شوكولاته مره مقطعه مكعبات
200 جرام زبده مقطعه مكعبات
3 صفار بيض
1/3 كوب طحين... انا افضل (كويت الفاخر)
4 بيضات
(caster sugar) 1/3 كوب سكر كستر

الطريقه:
اولا شغلي الفرن على درجه 180 درجه (لازم يكون الفرن حار قبل الخبز) شغلى الفرن قبل لا تبدين الشغل

ضعي الزبده والشوكولاته في جدر صغير وضعيها على نار متوسطه

شوفي شكل الشوكولاته لما تبتدي تسيح

بعد ماتسيح الشوكولاته والزبده وتتجانس رفعيها عن النار وضعيها في وعاء كبير
اضيفي لها الصفار والطحين فقط واخلطي

في وعاء العجانه او الخلاطه
ضعي البيضات الاربع مع السكر فقط

اخفقي البيض والسكر لمده 5 دقايق

الى ان يصبح خفيفا ومنفوش مثل هالصوره

اضيفي خليط البيض اى خليط الطحين والشوكولاته

اخلطي بالملعقه في اتجاه واحد الى ان يتجانس الخليط وبشويش مثل الكيكه الاسفنجيه
شوفي

واخفقي جيدا الى ان يصير جذي

جيبي صينيه المفن حجم ¾ كوب ،على فكره مقدار الكيكه يسوي صينيه واحده من هالحجم يعني 6 حبات
المهم رشي الزيت والطحين بالصينيه (الفتحات)

صبي الخليط في الصينيه

ودخلي الصينيه الفرن على 180 درجه ولمده 10 دقايق بس (لا تستغربين)بس 10 دقايق

في فتره الخبز جبت مربى
البرتقال وكان نفسي فراوله او توت بس ماكان عندي
المهم 3 ملاعق تقريبا واضفت لها ملعقه ماء وفي جدر صغير خلطتهم مع بعض
على نار هاديه الى ان تجانس (خطوه اختياريه) انا استخدمته للتقديم
بعد العشر دقايق طلعتها من الفرن وتركتها خمس دقايق لترتاح (وسط الكيكه لين )وهذا المطلوب لا تخافين
وضعتها في صحن التقديم ووزعت عليها شوي قليل من الجام السايح وشوي كريمه مخفوقه بس ذابت لان الكيكه ساخنه ..شوفو شلون وسطها ذايب اممممم
وشوفيها مع الكابتشينو اللذيذ

وشوفي فكره ثانيه للتقديم
اضيفي عليها كوره من ايس كريم الفانيليا اممممم

ملاحظه:
الكيكه تقدم ساخنه