الأب لأبنه الطالب : أخذتم الضرب في الرياضيات ؟
الأبن : أخذناه في الرياضيات وكل المواد بعد ؟؟
الزميل يقول لزميله بعد الإمتحانات : أنا مسافر ومارايح أنتظر النتيجة , لكن
إذا أنا ناجح أخبرني , وكاني مكمل في بعض المواد لمح لي تلميح , مثلا تقول
عن الرياضيات رياض يسلم عليك وعن الجغرافيا جعفر يسلم عليك وهكذا
سافر وبعد أيام أتصل عليه زميله وقال له ترى كل الجماعة يسلمون عليك ؟؟
يقولك فيه واحد كل ماجلس مع شباب يسولفون يكذب بشكل فاضح ومبالغ فيه
قال واحد من أصدقاءه يافلان تراك مكشوف والناس ماهم مدمغين تمشي
عليهم هالسوالف , لكن تدري أنا لما أكون معك وتقول كلام ماهوب حول حروة
أبتنحنح (أحم ) , وأنت تنتبه وتعدل كلامك وتخليه معقول , أتفقنا ؟
جا في مناسبة وبدوا الناس بالسواليف والمواقف قال الأول :
أنا مرة من المرات طلعت للصيد وشفت غزال على بعد 10 كم , مديت عليه
البندق و.. قال خويه أحم قال لا تقول 5 كم قال خويه أحم قال يعني حول
كيلوين قال خويه أحم قال بيني وبين الغزال كيلو قال خويه أحم؟ قال : والله
ماعاد أنزل ولا متر واحد وأنا أعطيه إياها بوووم ؟؟
المحشش يقول لخويه لو الشمس تدور أسرع من دورانها ثلاثين مرة وش يصير؟
قال خويه مدري ؟ قال : ياخبل كان نستلم الراتب كل يوم .
يقولك بدوي في لندن مع المرشد السياحي ويفرجهم على حديقة الحيوان
هذا أسد هذا نمر هذا كنغر هذا قط أسيوي إلخ , إلا مروا على جمل قال
البدوي ياي وش هالحيوان ؟؟ رد الجمل : علينا يامناحي ؟؟
فيه واحد تحصل على ثروة عن طريق الإرث من شخص تصله به قرابة ولكن من بعيد
وأحتارو كيف يخبرونه خايفين عليه من الفرحة الطاغية والصدمة المفاجئة , أتفقوا
على إنهم يكلفون مصري يمهد للموضوع مقابل أجر معين , جا له المصري وقال
لو جالك ثروة بعشرة الآف وش تسوي قال أصلح بها حالي قال خمسين ألف
قال أتوسع فيها وأبسط نفسي , مئة ألف قال أسوي بها مشروع
خمسمية الف قال أحطها في البنك قال ولو كان مليون كم تعطيني ؟؟ قال
لك خمسين ألف .. وإلا ويطيح المصري مغمى عليه ؟؟؟
دخل مدير مستشفى المجانين على المرضى علشان يشوف سير العلاج
ومستوى الخدمة وأحوال النزلاء , حصلهم كلهم جالسين يسوون أنفسهم
راكبين دبابات وكل واحد يقول فرووم ترووو , وفيه واحد جالس ساكن ما يتحرك
قال أيه هذا شكله أشوى منهم , جاله وقال تعال يشوفونك اللجنة قال ماعليش
أنا كنت مطفي الدباب , طيب أركب معاي أوصلك ؟؟ ؟
الثلاثاء ديسمبر 18, 2007 4:05 am
